Вольная Бярозаўка

Беларусы хочуць у Эўропу. З іншым прэзыдэнтам. Нацыянальны інстытут сацыяльна-эканамічных і палітычных дасьледваньняў (НІСЭПД) правёў чарговае апытаньне жыхароў Беларусі. На пытаньне аб тым, чые інтарэсы выражае цяперашняя ўлада, больш за ўсё адказаў (34,1%) сабралі «чыноўнікі і бюракраты». Адказ «такіх людзей, як я» набраў 25%, а «бедных і сацыяльна неабароненых слаёў насельніцтва» — толькі 12%. На думку амаль 40% апытаных, «за 15 гадоў праўленьня Лукашэнкі разрыў паміж багатымі і беднымі ў нашай краіне павялічыўся» (супрацьлеглага пункту гледжаньня прытрымліваюцца 25,9%), а палітычная сістэма ў Беларусі па 10-бальнай шкале (дзе 1 значыць поўная дэмакратыя, а 10 — поўная дыктатура) атрымала сярэднюю адзнаку - 6 балаў. На думку большасьці апытаных, «асноўная адказнасьць за пагаршэньне эканамічнай сытуацыі ў краіне» ляжыць на прадстаўніках улады - на прэзыдэнце (42.7%), урадзе (40.7%), мясцовай уладзе (24.1%), а не зьнешніх фактарах - на Захадзе (24.7%), Расеі (7.9%) ці славутай мафіі (5.4%).