Наша Ніва

Двайная гульня Анатоля Ляўковіча. У рэдакцыю НН трапю ліст старшыні Беларускай сацыял-дэмакратычнай партыі Анатоля Ляўковіча да лідэра "Справядлівай расіі" Сяргея Міронава. Гэты ліст датуецца 8 кастрычніка 2008 году, набраны на афіцыйным бланку сацдэкаў. Назва — «О новых возможностях развития интеграционных процессов». У сваім звароце Ляўковіч пазіцыянуе сябе большым прыхільнікам інтэграцыі з Расіяй за Лукашэнку. «У апошнія гады становіцца ўсё больш відавочным, што кіраўніцтва РБ адхіляецца ад інтэграцыйнай стратэгіі. Інтэграцыйныя працэсы тармозяцца. Краіна практычна закрытая для поўнамаштабных інвестыцый расійскага капіталу. Гэта — ненармальная практыка ў саюзніцкіх адносінах і яўны сігнал пра негатыўную перспектыву іх развіцця», — зазначае Ляўковіч. Сустаршыня АДС папярэджвае расійскага партнёра аб «умацаванні напярэдадні прэзідэнцкіх выбараў празаходняга крыла апазіцыі». «Усё гэта крок за крокам памяняе грамадска"палітычную сітуацыю ў краіне не на карысць развіцця беларуска"расійскай інтэграцыі», — са скрухай зазначае сацыял-дэмакрат.