Права на волю

Дэлегацыя праваабаронцаў у Жэневе. У межах падрыхтоўкі прадстаў­леньня ў Савеце па правах чалавека ААН універсальнага перыядычнага дакладу (UPR) па Беларусі, старшы­ня Праваабарончага цэнтру "Вясна" А. Бяляцкі, намесьнік старшыні В.Стэфановіч і старшыня Беларускага Хельсінскага камітэту Алег Гулак наведалі Жэневу. У ходзе візіту праваабаронцы правялі шэраг сустрэчаў з нацы­янальнымі дэлегацыямі краінаў, якія ўваходзяць у склад Савету па правах чалавека ААН. Таксама прайшлі сустрэчы з прадстаўнікамі офісаў сьпецдакладчыкаў ААН па абароне праваабаронцаў, па незалежнасьці судовай сістэмы і Камітэту па правах чалавека ААН. Падчас гэтых сустрэчаў бела­рускія праваабаронцы распавялі пра разьвіцьцё сітуацыі з правамі чалавека ў Беларусі. У тым ліку га­ворка ішла пра апошнія выпадкі вы­краданьняў моладзевых актывістаў сілавымі ведамствамі Беларусі.