Дзедзіч

Не спаць! Сябры! Ці варта проста ляжаць на канапе і нічога не рабіць у самы лепшы перыяд свайго жыцця? Ці можна закопваць свае таленты ў зямлю і рабіць так, каб пра вас ніколі не пачулі і не ўспомнілі? Калі ты сапраўдны студэнт, то адкажаш – не! Студэнцтва – гэта такая супольнасць, якая ніколі не будзе сядзець на адным месцы, а заўжды займаецца справай. Хто самыя зацятыя падарожнікі, што ездзяць і знаёмяцца са светам? Хто піша самыя лепшыя вершы і нататкі? Хто гучней за ўсё змагаецца за свае правы? Ну і хто пражывае сваю маладосць весялей за ўсіх? Адказ адзін – мы, студэнты! А калі да ўсяго гэтага студэнт можа праводзіць свой час з карысцю для Радзімы, то, у лепшых беларускіх традыцыях, такія людзі трапляюць у гісторыю і застаюцца ў добрай памяці сваіх сяброў і знаёмых.