Жыццё з літаратурай
навіны беларускай літаратуры, кантэкст, гутаркі, партрэты, міжнародныя сувязі, пляны
Аркуш Алесь
Месца выхаду: Беласток
Дата выхаду: 2009-11-19
Рэдактар: Аркуш Алесь
Выдавец: Беларускае Радыё Рацыя
Выдавецкая сэрыя: Жыццё з літаратурай
Катэгорыя: Радыёперадачы
Copyright © 2009 by Беларускае Радыё Рацыя
Кнігазбор: KAMUNIKAT — гэты сайт (электронны варыянт)
У перадачы: прэзентацыя 8-га нумару філасофска-літаратурнага часопіса “Паміж”; размова з галоўным рэдактарам часопіса "pARTisan" і аўтарам вядомага раману "Малая падарожная кніжка па Горадзе Сонца" Артурам Клінавым, які цяпер заняты працай пад фільмам "Масакра" – першым беларускім фільмам жахаў; размова з Сяргеям Харэўскім – літаратарам, гісторыкам мастацтва, культуролагам, мастацтвазнаўцам і мастаком; у рубрыцы “Рэцэнзія” – пра новую кнігу Сяргея Дубаўца “Як? Азбука паводзінаў”
Беларускія аўтары: Аркуш Алесь
Выдаўцы і выдавецтвы: Беларускае Радыё Рацыя
Выдавецкія сэрыі: Жыццё з літаратурай
Каталёг: Kamunikat.org
12 лістапада ў менскім літаратурным музеі Максіма Багдановіча адбылася прэзентацыя 8-га нумару філасофска-літаратурнага часопіса “Паміж”. Гэты перыёдык выдаюць навучэнцы Беларускага калегіюма і ён уяўляе сабою своеасаблівы творчы, дыпломны праект студэнтаў-выпускнікоў філасофска-літаратурнага аддзялення. На прэзентацыі пабываў Алесь Зайцаў. 
Галоўны рэдактар часопіса "pARTisan" і аўтар вядомага раману "Малая падарожная кніжка па Горадзе Сонца" мастак і пісьменнік Артур Клінаў будзе цяпер займацца мастацтвам на "Беларусьфільме". Адна з самых яскравых фігур беларускай незалежнай культуры падпісала кантракт з дзяржкінастудыяй у якасці мастака-пастаноўшчыка фільма "Масакра" – першага беларускага фільму жахаў. Другі месяц Артур Клінаў жыве практычна на здымачнай пляцоўцы пад Шчучынам. Паэтычны тэатр «Арт.С» 23 кастрычніка ў бібліятэцы Цёткі наладзіў модную вечарыну «Шарай гадзінаю…- Ля люстэрка з дызайнерам-мадэльерам Святланай ДЛАТОЎСКАЙ. У імпрэзе ўзялі ўдзел такія вядомыя літаратары як – Наталка Бабіна, Славамір Адамовіч, Пятро Васючэнка і іншыя. Распавядае галоўны ініцыятар вечары Аксана Спрынчан. Сяргей Харэўскі належыць да беларускіх творцаў, якіх можна назваць чалавек аркестр, ён – і літаратар, і гісторык мастацтва, і культуроляг, і мастацтвазнаўца, і мастак. Скончыў мастацкую вучэльню ў Менску і Акадэмію мастацтваў у Санкт-Пецярбургу. Яшчэ падчас вучобы ў Менску актыўна ўдзельнічаў у працы таварыства маладых літаратараў “Тутэйшыя”. Разам з Сяргеем Дубаўцоў аднаўляў газету “Наша Ніва” і быў яе аўтарам ад першага нумару. Сваю гутарку з Сяргеем я пачаў пытаннем, што сёння найбольш яго цікавіць? Кожны новы зборнік Сяргея Дубаўца – гэта не проста кніга – гэта цэлы праект, са сваёй канкрэтнай мэтай. Вось і гэтым разам у кніжнай серыі “Бібліятэка Свабоды. ХХІ стагоддзе” выйшла не проста кніга, а азбука паводзінаў у сучасным беларускім грамадстве. У рубрыцы “Рэцэнзія” – пра новую кнігу Сяргея Дубаўца. Працягваем знаёміць з новай кнігай Сяргея Дубаўца “Як? Азбука паводзінаў”. Урывак з кнігі чытае Кірыл Смяглікаў.