Народная Воля

Санкцыі не адменены. Кіраўнікі знешнепалітычных ведамстваў 27 краін — удзельніц Еўрасаюза на пасяджэнні ў Бруселі вырашылі працягнуць да кастрычніка 2010 года дзеянне санкцый у адносінах да асобных беларускіх чыноўнікаў. У заяве Савета ЕС адзначаецца, што гэтыя санкцыі могуць быць адменены ў любы момант у адказ на захады беларускіх улад у галіне дэмакратыі і правоў чалавека. Да ведама. Упершыню візавыя санкцыі былі ўведзены ў 2004 годзе ў дачыненні да чатырох беларускіх чыноўнікаў. Пасля прэзідэнцкіх выбараў у 2006 годзе спіс павялічыўся да 41 чалавека, якіх ЕС абвінавачваў у парушэнні правоў чалавека ў Беларусі. У кастрычніку 2008 года кіраўнікі МЗС краін ЕС прыпынілі на паўгода дзеянне санкцый для 36 асоб з гэтага спіса.