Брылеўскі летапіс

Адбіткі. Рэха выбуху, які прагрымеў у Мінску 3 ліпеня 2008 г. і пра які ўжо пісаў “Брылеўскі летапіс”, дакацілася ўрэшце і да нас. Напярэдадні 7 лістапада значная частка брылеўскіх мужчын атрымала павесткі з Магілёўскага РАУС, у якіх было пазначана, што “7.11.2008 г. к 9.00.” трэба з’явіцца ў СДК “Брылі”. Некаторыя падумалі, што паколькі 7 лістапада -- дзень святочны, то Дом культуры такім хітрым чынам зазывае на святочнае мерапрыемства. І на адпаведныя пытанні прыйшлося адказваць, што ніякага дачынення да павестак культработнікі не маюць.