Брылеўскі летапіс

Новыя задачы. 29 кастрычніка 2008 г. адбылося чарговае паседжанне выканкама Брылеўскага сельскага Савета. Галоўнае пытанне павесткі дня -- аб стане культурнага абслугоўвання насельніцтва. Дырэктар Брылеўскага сельскага Дома культуры Мікалай Адамавіч Яцкоў паведаміў, што ўся культурна-асветная работа сярод вяскоўцаў будуецца згодна распрацаваным дзяржаўным праграмам. У Доме культуры працуюць гурткі мастацкай самадзейнасці, дзе займаюцца ўсе жадаючыя. Выступленні творчых калектываў, такіх як, напрыклад, ансамбль “Любава”, адбываюцца не толькі на нашай сцэне, але і на розных конкурсах, якія ладзяцца краўніцтвам аграфірмы “Днепр”, і амаль заўжды нашы артысты атрымліваюць прызавыя месцы.