Дзедзіч

“Дзедзіч” віншуе вас з паступленнем у найлепшае гуманітарнае ВНУ нашага горада! Мы ведаем, што ўсе вы людзі разумныя і таленавітыя, але ж каб звацца сапраўднымі студэнтамі, трэба не толькі сядзець на парах і адказваць на семінарах, але і атрымліваць асалоду ад паўнацэннага студэнцкага жыцця. Каб было, што ўспомніць! “Дзедзіч” можа даць такую магчымасць! “Дзедзіч” існуе ўжо 10 год і магчыма ўвесь гэты час мы чакалі толькі цябе! Калісьці ў сценах БрДУ сабралася купка творчых людзей, якія вырашылі, што іхняе жыццё – толькі ў іх руках. І цяпер “Дзедзіч” - адна з самых моцных незалежных моладзевых суполак Берасця. Дзедзічы працуюць у розных накірунках. Штомесяц выдаецца самая студэнцкая беларускамоўная газета. Калі ёсць жаданне падзяліцца сваёй творчасцю са светам – пішы! Калі ты цікавішся культурай, гісторыяй, палітыкай, экалогіяй, інфармацыйнымі тэхналогіямі і маеш адпаведныя здольнасці – прыходзь да нас!