Брылеўская мінуўшчына

Дзень добры, шаноўны чытач! Вядома, так і павінна адбывацца: як на дрэве вырастаюць новыя галінкі і лісточкі, так і ад “Брылеўскага летапісу” адпачкавалася новае выданне - бюлетэнь “Брылеўская мінуўшчына”. У ім гаворка пойдзе выключна пра гістарычнае мінулае нашых вёсак і наваколля. А мінулае гэтае багатае на розныя падзеі і перакрыжаванні. Трэба толькі перагарнуць старонкі ўспамінаў, абтрэсці пыл са старажытных фаліянтаў, зазірнуць у скарбніцы архіваў, у тым ліку і хатніх, - і ўчарашні дзень наблізіцца да нас. Мы павінны ведаць мінулае, бо без мінулага не бывае будучыні. Калі адчуваешь моц сваіх каранёў, што ўраслі ў родную зямлю, то ніякія вятры і сухавеі ўжо не палохаюць. І жыццёвыя шляхі робяцца лягчэйшымі.