Брылеўскі летапіс

У вашых руках чарговы нумар “Брылеўскага летапісу”. Але ён не зусім звычайны, бо мае парадкавы № 100. Так-так: у нашага вясковага выдання сёння першы юбілей. Убачыўшы свет у маі 2006 года, “Летапіс” гэтыя тры гады быў разам з вамі, пільна ўглядаўся ў наша жыццё і ў тыя падзеі, што адбываліся навокал. І са сваіх старонак шчыра распавядаў пра ўсё гэта. Ён знайшоў сяброў і прыхільнікаў не толькі ў нашых вёсках, але і далёка за іх межамі, і тое, што дзееца ў нашых мясцінах, адразу робіцца вядомым і ў Магілёве, і ў Мінску, і ў далёкім замежжы -- у Расіі, Польшчы, Ізраілі, Англіі і Амерыцы. І калісьці хтосьці адтуль пачне нагадваць пра нашае жыццё, -- не здзіўляйцеся, бо аб гэтым яны даведаліся з нашага “Летапісу”...