Брылеўскі летапіс

9 мая 2009 г. адбыўся першы ў гэтым годзе выган брылеўскага грамадскага статка на веснавыя палеткі. Звычайна гэта святочная з’ява адбываецца 6 мая -- на Юр’я, у дзень святога Гергія Перамоганосца. Нашы продкі ставіліся да гэтага дня з вялікай пашанай і рабілі адпаведныя рытуальныя дзеянні. У дзень першага выгану жывёлы ў поле гаспадар запальваў перад іконай грамнічную свечку ці свечку, набытую ў храме на Вялікім тыдні. Стол накрывалі чыстым абрусам, клалі на яго каравай, ставілі сальнічку з чацвярговай соллю, святую ваду, у якую клалі яйка, і чыталі малітву. Затым гаспадар браў у рукі ікону Георгія, свечку, асвечаны на Спаса мак, гаспадыня брала ў рукі хлеб - соль і абое выходзілі на двор...