Брылеўскі летапіс

Чалавек з песеннага краю. Усё пачынаецца з вытокаў. Той асяродак, у якім чалавек зьяўляецца на свет, робіць першыя крокі і гаворыць першыя словы, назаўсёды кладзецца адбіткам на ўсё жыццё. І калі хочаш зразумець чалавека, якога сустракаеш на сваім шляху - спытай, адкуль ён і дзе ягоныя карані. Ёсць у Касцюковіцкім раёне Магілёўскай вобласці вельмі незвычайнае месца - вёска Саматэвічы. Незвычайнасць тых мясцін у занадта вялікай канцэнтрацыі высокай беларускай духоўнасці на параўнальна невялікай па памерах тэрыторыі.