Беларускі Рэзыстанс

Ворагі Лапіцкага ўжо прайгралі галоўную бітву. 27 кастрычніка 1950 году ў вялейскім лесе МГБісты зачыталі сьмяротны прысуд 22-гадоваму Расьціславу Лапіцкаму. Маючы рашэньне прэзідыюма Вярхоўнага Савета СССР аб памілаваньні, яны пра яго маўчалі, чакалі рэакцыі хлопца. Але ён не прасіў літасьці. Грымнуў стрэл… У 5-м нумары “БР” мы пісалі пра “вайну з крыжамі”, якая ўжо ня першы год ідзе ў Беларусі. Руйнуюцца памятныя знакі, крыжы, шыльды, усталяваныя грамадзкасьцю ў гонар удзельнікаў беларускага антыбальшавіцкага Супраціву, альбо ў памяць ахвяраў савецкай улады. Некалькі крымінальных справаў расьсьледуюцца па фактах вандалізму ў Курапатах. На жаль, гэта хутчэй выключэньне, бо ў іншых выпадках ніякай рэакцыі няма.