Брылеўскія далягляды

Намінанты. Прэмія Альфрэда Нобеля прысуджаецца за дасягненні, якія з’яўляюцца набыткам усяго чалавецтва. Гэта самая прэстыжная з усіх сусветных узнагарод. Нават трапіць у лік асоб, якія вылучаюцца на атрыманне Нобелеўскай прэміі, гэта вялікі гонар. Таму мяне, як і большасць беларусаў, усхвалявала навіна пра тое, што два нашых суайчынніка сталі намінантамі гэтай узнагароды. Народны паэт Беларусі Рыгор Іванавіч Барадулін вылучаны на атрыманне прэміі па літаратуры, а першы кіраўнік незалежнай Беларусі, былы старшыня Вярхоўнага Савета Рэспублікі Беларусь Станіслаў Станіслававіч Шушкевіч вылучаны на атрыманне Нобелеўскай преміі міру. Чытачы жнівеньскага нумару “Брылеўскіх даляглядаў” памятаюць вось гэтыя словы паэта Генадзя Бураўкіна: “..А яшчэ я веру, што ў нас будзе лаўрэат Нобелеўскай прэміі па паэзіі. І вельмі хачу, каб ім стаў чараўнік беларускага слова, бліскучы і невычэрпны Рыгор Барадулін.