Народная Воля

Лукашэнка пакаштаваў беларускае віно, і выпуск яго адразу павялічылі. Безумоўна гэта супадзенне: мясцовае віно ў Талачынскім раёне Аляксандр Лукашэнка піў і нахвальваў у чацвер (кадры дэгустацыі круцілі ўсе беларускія тэлеканалы), а пастанова ўрада аб змяненнях на квоты па вытворчасці алькагольнай прадукцыі на 2009 год з’явілася яшчэ ў аўторак. Тым не менш у краіне, дзе зацверджана Дзяржаўная праграма нацыянальных дзеянняў па прадухіленні п’янства і алказалізму, павялічаны квоты на выпуск каньяку, пладовых мацаваных він, віскі.