Тут і цяпер (Свабода)

Ці ўратуе нас бераг заходні? Беларускія “вярхі” пачынаюць разумець, што незалежнасць каштуе дорага. мы паспрабавалі высветліць, спазніліся з гэтым азарэннем улады альбо пакуль усё ж такі не. “Прарыў” у Еўропу Літаральна на днях у Інстытуце журналістыкі Беларускага дзяржаўнага універсітэта быў адкрыты інфармацыйны пункт Савета Еўропы. На гэтай урачыстай цырымоніі ўпершыню за апошнія 13 гадоў прысутнічалі высокапастаўленыя чыноўнікі СЕ: дзеючы старшыня Камітэта міністраў Савета Еўропы, міністр замежных спраў Славеніі Самюэль Жбогар, намеснік генеральнага сакратара СЕ Мод де Бур-Букікіо, спецыяльны дакладчык па Беларусі Камісіі па палітычных пытаннях Парламенцкай асамблеі Савета Еўропы Андрэа Рыгоні, наш міністр замежных спраў Сяргей Мартынаў і, што называецца, іншыя афіцыйныя асобы.