Ніва

28-29 кастрычніка ў Бельскім доме культуры праходзіў фестываль беларускай спяванай паэзіі і акцёрскай песні „Бардаўская восень-2000”. Арганізатарам VII выпуску фестывалю быў Звяз беларускай моладзі. Фінансава ўспамаглі імпрэзу Міністэрства культуры і нацыянальнай спадчыны РП, Управа горада Бельска-Падляшскага, Цэнтр грамадзянскай адукацыі „Польшча-Беларусь”, „Czasopis”, „Gazeta Wyborcza”, выдавецтва „Orthdruk” і гасцініца „Unibud”. „Бардаўскую восень” вялі Юрка Ляшчынскі і Аляксандр Памідораў. У гэтым годзе было многа заяў — большасць іх паходзіла з Рэспублікі Беларусь. Арганізатары з 23 асоб тыпавалі 15 — з Беластока, Бельска-Падляшскага, Гайнаўкі, Мінска і Магілёва. Канцэрт, які пачаўся а 17 гадзіне, прыцягнуў увагу немалой колькасці людзей. Зала Бельскага дома культуры была запоўнена да апошняга месца. Вялікае зацікаўленне конкурсам, як у Польшчы, так і ў Беларусі, было неспадзеўкай для арганізатараў. (П. Шафран, Бардаўская восень, фрагмэнт)