Ніва

Сярод мінскай інтэлігенцыі з’явілася новая назва Беларусі — Шурдыстан. Унутраная палітычная сістэма, метады кіравання дзяржавай і ўрадавая прапаганда ўчынілі Беларусь падобную да такіх краін як Кіргізстан, Узбекістан, Туркменістан. Лукашэнкаўскі рэжым, дэманстратыўна адкідаючы рэфармаванне дзяржавы паводле еўрапейскай традыцыі, вярнуў краіну на шлях, які вядзе ў напрамку азіяцкага феадалізму. Калі, аднак, улічыць факт, што савецкі камунізм быў самай дасканалай формай увасаблення феадалізму, тады тое, што цяпер адбываецца ў Беларусі, не з’яўляецца нічым новым. Беларускім элітам не ўдалося вырваць свае краіны з зоны патрыярхальнай улады, недэмакратычных метадаў вырашэння палітычных і грамадскіх праблем і пастаяннага страху грамадзян перад уладай. Беларусь знаходзіцца ў вельмі важным стратэгічным рэгіёне Еўропы. Расія, патраціўшы кантроль над Сярэдняй Еўропай, Украінай і Прыбалтыкай, без Беларусі вярнулася б на захадзе да межаў ХVII стагоддзя. Таму ўсё, што ў галіне палітыкі ці эканомікі дзеецца ў гэтай рэспубліцы, адбываецца пад кантролем Масквы. (Я. Мірановіч, Шурдыстан, фрагмэнт)