Права на волю

Беларусь хавае сьмяротныя пакараньні. Міжнародная арганізацыя Amnesty International апубліка­вала штогадовую справаздачу аб становішчы з правамі чала­века ў сьвеце за 2008 год. У разьдзеле, прысьвеча­ным Беларусі, адзначаецца ціск уладаў на грамадзянскую супольнасьць, узмацненьне дзяржаўнага кантролю над СМІ, абмежаваньне свабоды дэманстрацыяў ды юрыдыч­ны перасьлед апазіцыйных актывістаў. Справаздача адна­часова адзначае факт вызва­леньня палітычных вязьняў у краіне і адмену санкцыяў супраць беларускіх чыноўні­каў з боку Еўрасаюзу. Amnesty International пры­гадвае ў сваёй справаздачы дэманстрацыі пратэсту суп­раць палітыкі ўладаў у дачы­неньні да дробнага бізнэсу ў студзені і лютым летась, якія закончыліся затрыманьнямі больш за 40 асобаў ды турэм­нымі прысудамі для Андрэя Кіма і Сяргея Парсюкевіча. Таксама згадваецца жорсткі разгон дэманстрацыі на Дзень Волі ды затрыманьне каля 100 актывістаў апазіцыі.