Вольная Бярозаўка

Шаноўныя чытачы! Вось ужо год, як выходзіць нашая газэта. Нам не выпадае казаць пра папулярнасьць ці нейкія рэйтынгі, бо мы ня маем пастаянных чытачоў, ня можам праводзіць апытаньні, наладзіць падпіску. Ды й наклад у нас абмежаваны. Мы можам меркаваць толькі па водгуках нашых знаёмых і выпадкова пачутых рэпліках незнаёмых людзей. Вядома, ёсьць такія, што ня толькі ганяць нашую працу, але і наогул любыя праявы вальнадумства. Такія людзі не чытаюць "недазволеных" газэт, рвуць іх, грэбліва выкідаюць са сваіх скрыняў, нібы баючыся заразіцца. Але такіх няшмат. Даводзілася нам чуць і заўвагі. Напрыклад, наконт таго, каб было болей інфармацыі па мясцовых праблемах. Што ж, заўвага слушная, але мы, на жаль, ня можам апэратыўна падаваць інфармацыю, і таму пакуль газэта будзе зробленая і надрукаваная, пра гэтыя "навіны" ужо пачнуць забывацца. Таму мы намагаемся падаваць пшкую інфармацыю, якой няма ў афіцыйных, дзяржаўных СМІ.