Вольная Бярозаўка

26 красавіка - дзень Чарнобыльскай трагедыі. Мінула ўжо 23 гады, і людзі пачынаюць патроху забываць тыя жахлівыя падзеі. Урад адмяняе льготы ліквідатарам, на забруджаных тэрыторыях вырошчваюць жыта... Мінула ўсяго 23 гады. Бо наступствы таго выбуху яшчэ доўга будуць уплываць на жыцьці і здароўе беларусаў. Хаця ўжо сёньня ўзровень анкалагічных захворваньняў у 50 разоў вышэйшы, чым да катастрофы. Але выглядае на тое, што Чарнобыль нічому нас не навучыў - ні нашае кіраўніцтва, якое вырашыла будаваць сваю АЭС, ні нашае грамадства, якое моўчкі згаджаецца сядзець на атамнай бомбе (пра гэта - на старонцы 3). А ў Менску 26-га красавіка - традыцыйны Чарнобыльскі Шлях. Шлях пакуты. Па якім ідуць неабыякавыя, нязгодныя, няскораныя, сьмелыя. Далучайцеся!