Выбар

Магілёў адсвяткаваў гадавіну атрымання Магдэбурскага права. Падчас урачыстай вечарыны, арганізаванай актывістамі Руху “За Свабоду” ушанаваныя лепшыя прадстаўнікі грамадзянскай супольнасці. Урачыстая вечарына з нагоды 432-х угодкаў надання Магілёву Магдэбурскага права арганізавана актывістамі Руху “За Свабоду” ды іншымі прадстаўнікамі дэма­кратычнай супольнасці. Падчас святкавання ўшанаваныя леп­шыя грамадсзкія дзеячы Магілёўшчыны. У намінацыі “Чалавек года” за кіраванне Магілёўскай абласной кааліцыяй дэмакра­тычных сіл, прынцыповасць і мужнасць у час выбарчай кампаніі 2008 года адзначаны Пётр Мігурскі. У намінацыі “Вынік года” адзначана Горацкая антыядзерная група. Яе каар­дынатар Пётр Маланачкін (на здымку) ушанаваны за актыўную працу па недапуш­чэнню будаўніцтва АЭС на Кукшынаўскай пляцоўцы. ”Выданнем года” прызнана газета “Воль­ны горад” (рэдактар Сяргей Няроўны) за барацьбу, прынцыповасць і адстойванне маральных каштоўнасцяў.