Свабода (Тут і цяпер)

Апошнімі днямі шэраг дзеячоў на Захадзе раптам пачалі прапаноўваць Аляксандру Лукашэнку ўсталяваць партнерскія адносіны. Пачалося ўсё з нямецкага палітолага Аляксандра Рара, які браў у кіраўніка Беларусі інтэрв’ю для газеты Die Welt. Перад тым было надрукаванае інтэрв’ю самога Рара “Комсомольской правде”, дзе палітолаг дзяліўся ўражаннямі пра сустрэчу. Пэўныя высновы можна было рабіць ужо з паэтычнага загалоўка: “Лукашэнка сказаў, што ляцеў на адным крыле”. З гэтага нібыта вынікае, што цяпер “птушка” выправіцца і будзе трымаць раўнавагу, а не хіліцца ўвесь час на ўсходні бок.