Belarus Live

13–15 лістапада адбыўся чарговы XI Менскі форум, які зафіксаваў зрухі ў дачыненьнях Беларусі з ЭЗ. Упершыню ў гэтым мерапрыемстве прыняў удзел кіраўнікадміністрацыі прэзыдэнта, упершыню прадстаўнікі ўладаў абяцалі зрабіць намаганьні для набліжэньня ўнутрыпалітычнай сытуацыі да эўрапейскіх стандартаў. Падчас працы форуму адбылася кароткая «гістарычная» размова, у нефармальнай абстаноўцы, кіраўніка адміністрацыі прэзыдэнта Ўладзімера Макея з экс-кандыдатам у прэзыдэнты ад апазыцыі Аляксандрам Мілінкевічам. Дагэтуль на такім узроўні ўлады з апазыцыяй адкрыта не камунікавалі. Агульная атмасфэра форуму і падзеі, якія яго суправаджаюць, ствараюць пэўныя перадумовы для разьвіцьця абмежаванага супрацоўніцтва Беларусі з ЭЗ.