Belarus Live

Па дз еяй тыдня стала прыпыненьне на паўгоду візавых санкцыяў супраць 36 высокапастаўленых беларускіх чыноўнікаў улучна з прэзыдэнтам Аляксандрам Лукашэнкам. Такое рашэньне прыняла Рада Эўразьвязу 13 кастрычніка ў Люксэмбургу. Эўразьвяз спадзяецца, што цягам паўгадавога выпрабавальнага тэрміну Менск зробіць канкрэтныя крокі ў галіне дэмакратызацыі, прадэманструе большую павагу да правоў чалавека ды грамадзянскіх свабодаў. На перамовы з высокімі службовымі асобамі ЭЗ у Люксэмбург быў запрошаны міністар замежных спраў Беларусі Сяргей Мартынаў. Раней кантакты ЭЗ зь беларускімі ўрадоўцамі былі абмежаваныя ўзроўнем намесьнікаў міністра. Чорны сьпіс чыноўнікаў, якім забаранілі ўезд у межы ЭЗ, быў зацьверджаны пасьля прэзыдэнцкіх выбараў 2006 году, якія Захад палічыў недэмакратычнымі. Зараз у сьпісе пакінутыя толькі пяць асобаў — чацьвёра падазроных у датычнасьці да так званых гучных зьнікненьняў палітычных апанэнтаў рэжыму ў 1999—2000 гадах ды кіраўніца Цэнтральнай выбарчай камісіі Лідзія Ярмошына.