Belarus Live

На мінулым тыдні ў замежнапалітычнай галіне адбыліся дзьве падзеі, якія прыцягнулі ўвагу многіх СМІ і палітыкаў. 22 чэрвеня ў Брэсцкай крэпасьці адбылася працоўная сустрэча прэзыдэнтаў Беларусі і Расеі. Афіцыйная прычына сустрэчы Лукашэнкі зь Мядзьведзевым была зьвязаная з Днём памяці. Менавіта ў гэты дзень у 1941 годзе Германія напала на Савецкі Саюз. Неафіцыйная – «Газпраму» і пр э зыд энт у Мядзьведзеву (які ў свой час быў старшынём рады дырэктараў «Газпраму») важна было даведацца, чым і як Беларусь будзе разьлічвацца. Як вядома, беларускі бок спрабуе рэвізаваць дагаворную формулу цаны на газ. Пытаньне цаны на расейскі газ, які пастаўляецца саюзнай Беларусі, актуальнае для абодвух бакоў. «Газпрам» днямі абвясьціў, што да канца году цана на газ, што пастаўляецца ў Эўропу, перавысіць 400 даляраў за 1000 кубамэтраў, і Беларусь, паводле ўзаемнай дамовы 2006 году, павінна плаціць 80% ад эўрапейскага кошту.