Belarus Live

У Менску пачаліся перамовы па праекце пагадненьня пра адкрыцьцё ў Беларусі прадстаўніцтва Эўрапейскай Камісіі. У якасьці асобы, упаўнаважанай беларускім бокам на перамовы, вызначаны намесьнік міністра замежных справаў Беларусі Валер Варанецкі. Каардынатар па сувязях зь Беларусьсю прадстаўніцтва Эўракамісіі ва Ўкраіне і Беларусі Жан-Эрык Хольцапфэль зазначыў, што пакуль цяжка прагназаваць, як доўга будуць працягвацца гэтыя перамовы. Справа ў тым, што беларускі бок працягвае настойваць на тым, што мае права вызначаць галіны дзейнасьці прадстаўніцтва Эўракамісіі, якое мае статус дыпляматычнай місіі. У прыватнасьці, не дапусьціць ці істотна абмежаваць яе працу, напрыклад, па правах чалавека і іншых палітычных, гуманітарных пытаньнях.