Belarus Live

Самай значнай падзеяй апошніх дзён у Беларусі стаў "Эўрапейскі марш", праведзены апазыцыяй у Менску 14 кастрычніка. Паводле розных ацэнак, у шэсьці і мітынгу ўзялі ўдзел ад пяці да сямі тысячаў чалавек. Гэтая акцыя выглядала тэстам як для апазыцыі, так і для кіраўніцтва дзяржавы. Апазыцыянэры абяцалі вывесьці на вуліцу да 20 тысячаў удзельнікаў, каб прадэманстраваць масавую падтрымку беларусамі ідэі эўрапейскай інтэграцыі. Назіральнікі адзначаюць, што на ступень масавасьці маршу адмоўна паўплывала ўжытая сілавымі структурамі тактыка "прэвэнтыўнай зачысткі". Дзясяткі дэмакратычных актывістаў па ўсёй краіне былі арыштаваныя паводле абвінавачаньняў у нецэнзурнай лаянцы (гэты стандартны прысуд на падставе сьведчаньняў міліцыянтаў аналітыкі назвалі ўжо "рэпрэсіўным ноў-хаў" уладаў).