Дзедзіч

Back in the USSR. У Берасці з’явілася новая тэндэнцыя: усё часцей і часцей на рэкламных бігбордах замест той самай рэкламы з’яўляюцца цытаты прэзідэнта. Напрыклад, не так даўно дзьве такія шыльды былі ўсталяваныя ля Берасцейскага дзяржаўнага універсітэта. Пад надпісам “Мой родны кут...” і фотаздымкамі Берасця месціцца цытата Лукашэнкі: “Усё, што ў нас зроблена, чаго мы дасягнулі на сённяшні дзень, усё гэта дзякуючы таленту, творчасці і ўпартай працы нашага народа.” Мабыць, кіраўніцтву універсітэта спадабалася такая ініцыятыва гарадскіх ўладаў, бо неўзабаве на першым паверсе галоўнага корпуса БрДУ таксама з’явілася шыльда з надпісам: “Выхаванне і клопат аб моладзі ёсць неабходная ўмова моцнай і квітнеючай дзяржавы”.