Права на волю

У Беларусі яшчэ парушаюцца правы чалавека. Дэлегацыя самай буйной фракцыі Еўрапарламенту – "Еўра­пейская Партыя Народаў – Еўра­пейскія дэмакраты" – наведала 20 лютага Менск, каб ацаніць апошнія палітычныя падзеі ў Беларусі ў кантэксьце дыялогу Беларусь-ЕС. Асаблівая ўвага надавалася сітуацыі з правамі чалавека і свабодай прэсы. Еўрапарламентары сустрэлі­ся з прадстаўнікамі Міністэрства замежных справаў Беларусі, дыпламатычных місіяў краінаў Еўрасаюзу а таксама беларускай грамадзкай супольнасьці і дэмак­ратычнай апазіцыі. Сябры дэлегацыі – Крыстафер Бізьлі (Вялікабрытанія), Лайма Ан­дрыкене (Літва) і Яцэк Пратасевіч (Польшча) адзначылі пазітыўныя крокі, зробленыя беларускімі ула­дамі: вызваленьне палітвязьняў, вяртаньне ў продаж дзьвюх неза­лежных газетаў, рэгістрацыю руху "За Свабоду", а таксама непрызна­ньне незалежнасьці Паўднёвай Асетыі і Абхазіі.