Свабода (Тут і цяпер)

Пасля зачысткі апазіцыйнага поля, дзе цяпер альбо сядзяць у турмах і ў эміграцыі, альбо спрачаюцца за лідэрства; пасля дэмаралізацыі недзяржаўнае прэсы, рэдактары якой просяць сёння найвышэйшага дазволу друкавацца і пашырацца ў Беларусі; пасля ліквідацыі прафсаюзнага руху і выгнання пісьменнікаў з Дому літаратараў, - адным словам, пасля таго, як былі сагнутыя самыя незгібальныя, змагар-прэзідэнт адчуў адзіноту і адсутнасць паўнаты жыцця, і перавёў свой позірк на тыя грамадскія групы, дзе быццам бы і не змагаюцца супраць яго, але ж маюць нахабства самастойна мысліць, выяўляць волю і вызнаваць веру.