Свабода (Тут і цяпер)

Больш за сто трыццаць чалавек падтрымалі пост-галадоўку пратэстанцкіх вернікаў у Мінску. Сябры мінскай абшчыны пратэстанцкай царквы “Новае жыццё” такім чынам вырашылі абараніць свой малітоўны дом і свае правы. Некалькі гадоў таму абшчына пратэстанцкай царквы “Новае жыццё” набыла на ўскраіне Мінска кароўнік, які належаў калгасу імя Міхаіла Калініна. Знайсці іншы будынак у сталіцы вернікам не ўдалося - гарадскія ўлады адмаўлялі ім у памяшканні. За кароткі час была праведзеная рэканструкцыя, у выніку чаго кароўнік ператварыўся у малітоўны дом з сучасным інтэр’ерам. У нядаўняй савецкай гісторыі ёсць шмат прыкладаў, калі храмы ператвараліся ў кароўнікі ці свінарнікі, альбо руйнаваліся дашчэнту. Адваротных прыкладаў значна меней...