Свабода (Тут і цяпер)

Віка Мароз, якая выхоўвалася ў школе-інтэрнаце ў Вілейцы для дзяцей з праблемамі маўлення й слыху, некалькі год запар у рамках дабрачыннай праграмы прыязджала на летнія канікулы ў Італію. Там яе выхаваннем займалася сямейная пара Алясандра Джуста і Марыя Барначын, якія звярнуліся да беларускіх уладаў з просьбай аб удачарэнні Вікі. Аднак вырашыць гэтае пытанне цягам гадоў не ўдавалася з-за бюракратычных перашкодаў. Гэтым разам Алясандра і Марыя звярнулі ўвагу на дзіўныя гульні дзяўчынкі з лялькамі - яна іх звязвала вяроўкамі, а потым пачынала цалаваць. Італьянскія газеты абыйшоў малюнак Вікі, якая намалявала сябе прывязанай да крэсла.