Свабода (Тут і цяпер)

У ноч на 10 верасня ў электрычцы Мінск — Пухавічы адбылося масавае пабоішча. Разагрэтыя алкаголем на сталічным свяце горада маладыя людзі пачалі збіваць адны адных і ўсіх, хто быў побач, а ў дадатак засыпалі электрычку камянямі, павыкрышыўшы ў ёй шыбы. Дзяўчыне з Мар’інай Горкі камень патрапіў у твар, разарваў губу і выбіў зубы. Лекары наклалі ёй швы, але яна дагэ-туль не можа ачуняць. Патруль у складзе двух міліцыянтаў нічога проціпаставіць азвярэламу натоўпу не змог. Беларуская транспартная міліцыя па факце масавага крывапускання ў электрычцы завяла крымінальную справу. На сёння выяўлены 15 удзельнікаў пабоішча, хоць сведкі сцвярджаюць, што іх было па 30-50 у кожным вагоне.