Андрэй Шулаеў: Беларусі варта стварыць свой Нацыянальны пантэон

Андрэй Шулаеў: Беларусі варта стварыць свой Нацыянальны пантэон


У другой палове лістапада на віленскіх могілках Росы адбудзецца перапахаванне парэшткаў паўстанцаў 1863—1864 гадоў. У тым ліку, як мяркуецца, і Кастуся Каліноўскага.

Малавядомы факт: яшчэ ў 2007 годзе з асабістай ініцыятывы адбыўся сімвалічны перанос зямлі з гары Гедыміна да магілы паўстанцаў у вёсцы Плябань, што пад Маладэчнам.

Ажыццявіў гэты акт магістар гісторыі і архітэктуры Андрэй Шулаеў разам з сябрамі:

– Узнікла такое жаданне перапахаваць ці зрабіць сімвалічны акт перапахавання на тэрыторыі Беларусі Кастуся Каліноўскага. Давялося рабіць спецыяльную экспедыцыю, была ўзятая зямля з таго месца, дзе была брацкая магіла. Акт перапахавання. На могілках у Плябані невялічкая імша адбылася, запалілі знічы.

Андрэй Шулаеў лічыць, што Беларусі варта прытрымлівацца досведу суседніх краін і стварыць свой уласны Нацыянальны пантэон, дзе былі б пахаваныя нацыянальныя героі і дзеячы: Кастусь Каліноўскі, Барыс Кіт, Максім Багдановіч і многія іншыя сыны і дачкі Беларусі, якія знайшлі свой спачын на чужых землях.

Беларускае Радыё Рацыя

Крыніца: Беларускае Радыё Рацыя