Крывія

Выбары бяз Выбару. Фотавыстава. 19 сакавіка - 30 красавіка пройдзе выстава, прысьвечаная прэзідэнтскім выбарам у Беларусі. 19 сакавіка ў 17 гадзін пад патранатам былога прэзыдэнта Чэскай Рэспублікі Вацлава Гаўла і рэктара Карлавага ўнівэрсытэту Вацлава Гампла ў праскім Каралінуме ( Křížová chodba galerie Karolinum, Ovocný trh 5, Praha 1 - Staré Město) адбудзецца адкрыцьцё выставы “Выбар бяз выбару. Беларусь – сакавік 2006-га”. Атмасфэру леташняй прэзыдэнцкай кампаніі і масавых пратэстаў прыхільнікаў пераменаў перададуць на выставе здымкі журналістаў тыднёвіка “Наша ніва” Юліі Дарашкевіч і Андрэя Лянкевіча, а таксама чэскага фатографа Якуба Досьпівы – супрацоўніка Чэскага інфармацыйнага агенцтва (ČTK). Кожны фатаздымак на выставе будуць суправаджаць асабістыя нататкі адной з удзельніц пратэстаў на Кастрычніцкай плошчы – беларускай журналісткі Дар’і Касьценкі, аўтаркі разьмешчаных у інтэрнэце “Сакавіцкіх дзёньнікаў”.